Prezidente Parlamentu Nasionál, Maria Fernanda Lay hato’o kestaun ne’e, bainhira hato’o omenajen ikus ba Saudozu “Lú Olo”, iha nia rezidensia Faról,  Tersa (23/06).

“Hau hanoin Señor Francisco Guterres “Lú Olo” la’ós asentu familia ni’an, mais asentu nasaun ni’an,  tanba ba familia, nia figura ida ne’ebé ba nia oan,  triste teb-tebes mais espera katak maromak sei fó forsa nafatin ba familia no kuidadu nia oan sira, hau preokupa oitaun, mais hau hanoin katak senñra espoza iha forsa, atu bele tau matan ba nia oan sira no Estadu konserteza tau matan ba matebian nia oan sira,” Dehan Prezidente Parlamentu Maria Fernanda Lay.

Maske nia laiha ona, maibé saida mak saudozu husik hela, jerasaun sira tuir mai kontinua nafatin ba nasaun no povu nia diak.

“Ita sira jerasaun tuir mai no ami ne’ebé fó kontuinidade, valoriza tebes iha momentu difisil mais nia (Lú Olo) konsege dirije Parlamentu nasionál, ami hanoin katak ami hanesan deputadu tenke konsidera nafatin iha prosesu lejizlasaun, liu-liu ami nia atitude, ita-nia erói nasional ida ne’e fó ezemplu ida ke di’ak tebes iha momentu ne’ebá no hau espera katak ninia figura bele inspira ami para hodi bele respeitu malu iha Parlamentu Nasionál ida ne’e importante tebes. Hau fiar katak matebian sei kontente bainhira ami servisu ho diak no mantein demokrásia ne’ebé sai preokupasaun ba povu Timor-Leste,” Nia espresa.