“Rezultadu votasaun a-favor 42, kontra 0 no abstensaun 23, ho nune’e votasaun jeneralidade ba orsamentu jeral estadu ba tinan 2026 pasa,”dehan Prezidente Parlamentu Nasional, liu husi diskusaun iha Plenaria PN, Sesta ne’e (07/11).

Entretantu, Proposta Lei Orsamentu Jerál Estadu tinan fiscal 2026 hamutuk bilaun $2.214.689,195, ne’ebé fahe ba kategoria saláriu no vensimentu $476.870.249), bens no servisu korrente$447.904.446), transferénsia públika $820.710.160, kapitál menór $32.556.96 no kapitál dezenvolvimentu $436.647.379.

Enkuantu, Proposta Lei Orsamentu Jerál Estadu tinan 2026 ho tematíku “Investe iha Transformasaun Nasionál, Integrasaun Rejionál no Dezenvolvimentu Inkluzivu,”.

Nune’e, OJE tinan 2026 ne’e, reflete kompromisu Governu nian atu hasa’e kreximentu sustentável no inkluzivu, ne’ebé bele fó benefísiu ba sidadaun hotu iha teritoriu Timor-Leste.