Tuir Konstituisaun Repúblika Demokrátika Timór-Leste, nú 1, husi artigu 86, hamutuk ho nú 3 artigu 124 fó kompetensia ba Prezidente Repúblika atu nomea juíz ida hodi lidera Tribunal Rekursu.

Prezidente Supremu Tribunál Justisa nian iha Konstituisaun Repúblika Demokrátika Timor-Leste mós estabelese tuir termu sira nú 2 artigu 164 katak, Tribunál Rekursu, nu’udar tribunál aas liu iha sistema judisiál iha Timór-Leste, ezerse podér sira supremu tribunál nian. Tribunál Justisa, to’o nia instalasaun no tama iha funsionamentu.

“Nune’e, Prezidente Repúblika, tuir artigu 86 aliña 1, artigu 124, numeru 3 no artigu 164, numeru 2 Konstituisaun Repúblika nian, no tuir termu lejizlasaun ne’ebé vigora, dekreta katak, Afonso Carmona hetan nomeasaun nu’udar Prezidente Tribunál Rekursu no dekretu ida-ne’e sei iha efeitu bainhira publika,”dehan komunikadu ne’ebé Online INDEPENDENTE asesu iha Pajina Jornal Repúblika, tersa ne’e (29/04/25).

Enkuantu, tuir ajenda ne'ebé iha, Prezidente Tribunal Rekursu foun ne’e sei hetan pose iha loron 29 fulan-abril, tinan ne’e, iha tuku 4:00 lokraik otl.