Komunikadu ne'ebé online INDEPENDENTE asesu husi media-Palasiu Prezidensiál, iha kuarta (28/01) katak Prezidente Repúblika, José Ramos Horta konfere ba Primeiru Ministru,  Albanese Anthony Grande Colar da Ordem de Timor-Leste, kondekorasaun aas liu iha nasaun, nu’udar rekoñesimentu ba nia dedikasaun hodi hametin lasu bilaterál sira.

Tanba, reflete kona-ba parseria ne’e, Prezidente Repúblika, José Ramos deklara, Timor-Leste no Austrália la’ós viziñu de’it nu’udar família.

“Ita nia istória ne’ebé fahe, valór komún no ita-nia kompromisu ba pás no prosperidade halibur ita. Ohin, ita reafirma ita nia promesa atu la’o hamutuk rumu ba futuru ida ho seguransa, oportunidade no amizade ne’ebé dura ba tempu naruk,” Sita komunikadu.

Tanba ne’e, Timor-Leste no Austrália estabelese relasaun diplomátika formál iha tinan 2002.

Nune'e, ohin loron, parseria ne’e abranje kooperasaun polítika, ekonómika, seguransa no sósiu-kulturál, hodi reflete vizaun ne’ebé fahe ba rejiaun ida ne’ebé estável, prósperu no iha ligasaun.