"Ami akompana ministru dehan fim 2024 buat hotu la'o diak ona, mas rezultadu laiha, agora fim dezembru 2025 tan ona, ninia kauza lolos ne'e iha ne’ebé", dehan nia, iha PN, horisehik.

Tuir deputadu ne'e, MTK tenke esklarese ba publiku prosesu dada fibra optika ne'e, tanba ne'e promesa tenke kumpre.

"Ita-nia ema preparadu ka lae, para bele asegura se fibra optika mai ne'e ajensia ne’ebé ita harii ne'e kualifikadu no preparadu para asegura responsabilidade ka lae, tanba ne'e importante tebes," tenik Antonino.

"Ita tenke prepara rekursu umanu ne’ebé ke bele para atu assgura sustentabilidade sasan sira ne'e depende ba iha governu. Se iha ema ita tenke prepara, tanba ne'e mak husu ministru tau abtensaun," dehan nia.

Hataan ba kestaun ne'e, Ministru Transporte no Komunikasaun (MTK) interino, Gastao de Souza hateten, kona-ba fibra optika tama iha faze kompania instaladu.

"Ami tenta para rezolve, tanba rekursu umanu mos ami haruka ba australia ba prepara para bele mai kaet fibra optika ne'e," tenik nia.