Nelson de Carvalho rekoñese, prosesu ba kazu ne’e kontinua sai preokupasaun publiku nian, tanba gasta ona osamentu estadu nian lubuk ida, maibe to’o agora ró Haksolok seidauk mai Timor-Leste, nune’e fo prejuizu ba estadu.
Prokurador konsidera prosesu investigasaun ba kazu ró Haksolok difisil oituan, tanba kazu nee kompara hanesan ai-hun ida ne’ebé hamosu sanak barak.
“Roo Haksolok sai hanesan ai-hun ida. Ita hatene ai-hun nee sanak hira, signifika ne’e ita boot sira hatene ai-hun nee nia abut barak tan, signifika mosu tan prosesu balu iha roo Haksolok nee nia laran,”deklara-nia ba jornalista sira ih, hafoin aprezenta tetu fiskal OJE 2026 ba Komisaun Revizaun Orsamental (KRO) iha edifisiu Ministeriu Finansas, Aitarak Laran, Sesta (22/08/)
Nia hatete, prosesu investigasaun hare ba kazu hanesan sira ne ebe kompleksu, lori tempu hodi rekolha faktus provas testemunha, buka buat neebe iha indikasaun ho krime, liu-liu Prokurador prosesu uza maneira ne’ebé too ikus mai bele halo akuzasaun ka arkiva, tanba hare ba iha nia natureza krime, balu bele to tinan rua ka tolu.
Molok ne’e, Adjunto Komisariu Komisaun Anti-Korupsaun, Rosario de Araujo hateten, kazu bo’ot ne’ebé akontese iha RAEOA hanesan ró Haksolok hamosu prejuizu bo’ot orsamentu estadu nian neebe responsavel houi sira neebe mak kaer ukun.
“Prosesu ba investigasaun nee, komisaun anti-korupsaun hetan delegasaun kompotensia hosi ministeriu publiku iha tinan 2021, tanba kazu Ro haksolok ne’e mós hola parte iha projeitu 32 iha RAEOA. Tanba ne’e iha bainhira terseira mandatu komisariu KAK Sergio Hornai nian remata, nunee kargu komisariu iha vakum nia laran investigador sira entrega fila-fali prosesu tomak ba iha ministeriu publiku nuudar na’in ba asaun penal,”nia esplika.
Nia hatutan, iha tinan 2023, hosi KAK remete hotu kedas kazu sira neebe mak prosesa iha KAK inklui relatoriu interkar hamutuk ho dokumentus suporta sira katak, relata deit andamentu prosesu ba kazu sira neebe investigador KAK sira konsege finaliza no parte neebe seidauk persiza halo kompleta tan.