Desizaun ne'e foti hodi hatan ba atake aéreu husi Estadus Unidus hasoru instalasaun instalasaun nukleár tolu husi rai-Iran ne'ebé akontese iha tempu ne'ebá.
Movimentu parlamentár marka eskalasaun dramátiku ida iha tensaun jeopolítika sira iha rejiaun Golfu nian. Maski seidauk final, desizaun dadaun ne'e hein hela aprovasaun husi Konsellu Supremu Seguransa Nasionál Iraun nian no mos husi lider supremu Ayatollah Ali Khamenei rasik.
"Kualkér violasaun ba ami nia soberania sei hasoru ho asaun estratéjiku. Taka Estreitu (selat) Ormuz nian hanesan direitu Iraun nian hodi defende nia dignidade", dehan Javad Karimi-Ghodousi, membru seniór ida iha Komisaun Seguransa Nasionál parlamentu nian, iha Komunikadu ne’ebé Online ne’e asesu, segunda ne’e (23/06/25).
Estreitu ka selat Ormuz maka pasajen ki'ik ida ho distánsia hamutuk tihun 6, ne'ebé liga Golfu Pérsia ba tasi nakloke. Besik 20-25% husi fornesimentu mina-rai brutu iha mundu liu husi dalan ida ne'e kada loron.
Bainhira ida ne’e, taka kompletamente, analista sira prevee katak folin mina nian iha mundu bele sa'e maka'as no fornesimentu enerjia internasionál sira sei hetan perturbasaun maka'as. Aktu ida ne'e hamosu mós preokupasaun internasionál.sira.
Ho nune’e, Governu Estadus Unidus, liu husi deklarasaun husi White House, alerta ona katak kualker tentativa hodi taka Estreitu Ormuz nian sei konsidera hanesan asaun agresaun ida no bele hamosu resposta militár.
Entretantu, nasaun importadór prinsipál sira hanesan Xina, Japaun no Índia husu ba parte hotu atu ezerse restrisaun no subliña importánsia atu mantein estabilidade husi rota komérsiu enerjétiku globál nia.
Enkuantu, to'o agora, laiha indikasaun katak Iraun hahú duni halo asaun fíziku iha estreitu, hanesan trava petrolíferu sira.
Maibé, militár iranianu sira tuir informasaun, aumenta ona prontidaun husi nia frota naval no misil kosteiru sira iha rejiaun Ormuz nian.
Taka Estreitu Ormuz nian, sei realiza no sei sai golpe boot ida ba ekonomia globál no bele lori rejiaun ne'e ba konflitu militár ne'ebé nakloke.
Fonte. Theguardian & NYPost