"Rezultadu votasaun a-favór 43 kontra 0 abstensaun 22, ne'ebé Orsamentu bá MNEK pasa," dehan Prezidente Parlamentu Nasionál Maria Fernanda Lay iha Parlamentu Nasionál, Segunda (17/11).

Enkuantu, Orsamentu bá MNEK ho montante $36.334.526 fahe ba kategoria salariu no vensimentu $22.897.146 , bens no servisu $12.437.380 , transferensia públiku 0, kapital menor milaun $1 ($1.000.000) no Kapital dezenvolvimentu 0.

Entretantu, Orsamentu ne'e sei benefisia ba programa boot rua, hanesan Politika externa Timor-Leste nian ho nia sub-programa defende no promove interese Timor-Leste nian iha Estranjeiru, kooperasaun ba asuntu bilaterál no multilateral, kooperasaun rejionál iha ba ASEAN, fasilita ho koordenda instituisionál ba ezekusaun polítika externa, Jestaun no  kooperasaun ba Asuntus bilaterál iha ASEAN no OCEANIA, Jestaun no koodenasaun ba Asuntus bilaterál ba Amerika, Europa no Afrika.

Aliened ne’e, programa seluk mak funsionamentu no dezenvolvimentu instituisional ho nia sub-programa tolu ho atividade 17.