Komunidade Musulmamu selebra loro idul adha hahu ho orasaun iha tuku 07 Otl, kontinua ho oho animál sira hanesan bibi no karau hodi fahe ba ema kbi'it lae sira.

Prezidente Konsellu  Kuardor Fundasaun  Annur Dili, Abdula Bim Said Sagram hatete, komunidade musulmamu konsidera loron idul adaha hanesan loron ne'ebe sira konsideradu liu tanba hanesan obrigasaun husi Wata Allah.

“Ida ne'e la ba ema hotu, maibé ba sira ne'ebe  iha posibilidade bele to'o iha ne'ebé se la ba hanesan pekadu boot, agora sira ne'ebé la ba iha maka ne'ebe ita selebra no reza hamutuk iha ne'e,” katak nia ba jornalista sira, iha Mesjid Annur Kampun Alór, Kuarta (27/05).

Aleinde, loron importante ligadu ho istoria profeta Abrão ho profeta Ismael, tanba maromak fo mandatu ba Abrão atu oho  nia oan Ismael.

“Ida ne'e ita bele dehan katak nia fee sai ezemplu ba umanidade ba mundu Katak ita tenke halo sakrifísiu ba komunidade sira seluk. Ida ne'e mak ami prepara karau 15 ho bibi 4, orsida ita sei kua fahe hotu ba komunidade ne'ebe kbi'it lae no mos komunidade sira seluk,” Nia konklui.