Ministra Solidariedade Sosial no Inklusaun MSSI Veronica da Dores hatete, Ministeriu Solidariedade Sosial no Inklusaun (MSSI) marka tan espasu ida iha prosesu rekollamentu dadus hodi indetifika tipu problema bens estar iha Timor-Leste.

“Ita hahú halo atividade rekollamentu dadus husi Ministeriu Solidariedade Sosial no Inklusaun (MSSI) kona-ba problema bens estar sosial iha territoriu laran tomak,” dehan liu husi Konferensia Imprensa ne’ebé hala’o iha salaun MSSI Kaikoli, Kuarta (22/10/25).

Nia dehan, tipu ema ho problema ben estar ne’ebé ekipa sei identifika maka hanesan, labarik risku no perigu (abandonadu, esplorasaun, violénsia fizika no seksuál) no da-ruak dosaun labarik, da-toluk  labarik ne'ebé ho puder paternal no da-haat ba  labarik nakar.

Tuir labarik konflitu ho lei, no ema tane liman hodi husu ezmola , ema ne'ebé moris lemo-lemo , Konsumidór droga.

Tuir Vítima violénsia bazeia ba jéneru no violénsia doméstika,  ema ho defisiénsia, ema ho defisiénsia tanba moras krónika no Eis prizioneiru (Ex-recluso) ne'ebé vulnerável.

Nune'e mos ferik katuas abandonadu, feto risku sosiál ekonómika, família ki'ak, gamília ho uma laiha kondisaun atu hela no Vítima dezastre naturais no dezastre insidénsia sosiál.

 Labarik ne'ebé buka moris iha dalan (labarik ne'ebé hala'o nia moris tempu tomak iha dalan. Labarik iha dalan tanba presta nia tempu livre iha dalan) ,Lésbika, gay, biseksual, transseksual, transjéneru no interseksuál ho labarik orfaun.

Entretantu, prosesu no durasaun rekollamentu dadus ne'e sei hahú iha 22 fulan Outobru tinan 2025, nune'e sei remata iha 19 fulan Dezembru tinan ida ne'e.

Enkuantu, rekollamentu dadus ne’e sei hahú husi suku to’o Munisipiu no suku sira menus husi lima sei rekolla dadus durante fulan ida.

Tuir rekursu umanu husi Ministeriu Solidariedade no Inklusaun (MSSI) ne'ebé sei tun ba baze hodi rekolla dadus hamutuk ema na'in 53.

Koordenador Postu Adminitrativu ema ida no funsionariu foun iha Postu Adminitrativu ema na'in rua.