Ministru Obras Públika (MOP), Samuel Marcal informa, rezultadu apresentasaun Ministeriu bele aprezenta de'it programa obras públiku nian no iha buat tolu (3) mak presiza haree ba estrada, bee moos no eletrisidade.

"Ohin aprezenta programa sira ne'e hotu ho kustu adisional uitoan,adisional ne'e mós tanbá haree ba iha estragus iha foho suku no aldeia sira hotu, iha área balun ne'ebé seidauk iha eletrisidade,  bee moos no balun estrada aat iha tinan naruk, ne'e maka ohin husu adisionál ho haraik an ba Komisaun Revizaun Orsamentu nia para haree took, hodi tau konsiderasaun, maibé ita bele komprende katak ita iha envelope fiskál, ita haree ho ita kapasidade no haree ho ita nian klimá no buat sira ne'e hotu,ohin ha'u levanta hotu para KRO maka tetu ba," dehan MOP Samuel Marcal iha resintu MF Ai-tarak laran sabadu (09/08).

Ministru Obras afirma,Importante maka buat hotu-hotu mehi no hanoin atu halo buat hotu-hotu atu sukat mós ho kapasidade, no programas barak liu ba iha mega projeitu ne'e, la'ós programa anuál, maibé multi anuál ba tinan liman nian.

"Ita ba ho metas ida katak depois tinan liman ne'e ita atu antije saida, ita atu antije estrada hira, no kilometru hira maka finaliza, eletrisidade iha suku hira no tenke ba iha suku ida ne'ebé, ida ne'e mak ohin aprezenta, maibé depende ba iha KRO, tanbá sei diskusaun no ikus mai bele deside,ita haree to'ok sira bele konsidera prograna sira ne'e ka lae,tuir lolós ami nia kustu adisional ladún barak iha Miliaun $240 só para atu hola ekipamentu no balun, tanaloka fiskál mai ne'e menus tiha, entaun ami hato'o, mais la'ós adisonal boot liu maibé atu kompleta de'it anu fiskál tinan kotuk nian para atu bele la'o nafatin,envolope fiskál ne'ebé Ministeria Finansas fó ne'e Miliaun $1.9, maibé inklui mós ho estrada urbana balun nomós estrada rurais emerjensia ne'ebé ami tau hamutuk hela," Nia subliña

MOP nia osamentu Jerál 2025 ne'e atiji 75%, ida ne'e ba saláriu vensimentu, kapital menor, tranferénsia públika no mos ba kapitál desenvolvimentu.

"Iha ezekusaun ne'e sempre hasoru difikuldade, liu-liu iha parte infraestrutura nian, difikuldade ida maka klima, iha Munisípiu balun  ne'e udan sei boot, Kapasidade setór privadu no ita rekoñese iha problema burokrasia instituisaun ba instituisaun mo's la'o, ita hakarak an nafatin mo's pelu menus la'o neneik, maibé ita la'o ba oin uitoan,"nia konklui