Ministru Ensinu Superiór Siénsia no Kultura, José Honório hatete, monitorizaun ne'ebé ministériu halo seidauk hetan lisensiatura hanorin lisensiatura.

“Maibe karik iha universidade balun iha,  ha'u apela  nafatin ba sira katak, to'o ona tempu ita hakarak hadia ita nia kualidade ensinu iha ita nia rain, tanba ne'e favor ida lisensiatura labele hanorin lisensiatura,”  Dehan Ministru José Honório, ba jornalista sira, iha INCT Matadouru, Segunda (18/08).

Nia dehan, karik mestradu sira bele hanorin lisensiatura no lisensiatura  sira bele hanorin diploma sira-ne'e bele.

“Maibe se lisensitura ida ba hanorin lisensiatura seluk, ne'e dala ida tan ha'u husu ita nia universidade no instititu sira atu kompri regra sira, atu ita bele aposta ba kualidade, tanba la’o ohin ita ko'alia kualidade ohin kedan la’e, maibe neneik sei to'o ba iha ne'ebá,” Ministru apela.

IES la kumpri regras, José Honorio  dehan, iha lei  baihira IES ne'ebé mak la kumpri sei selu koima.

“Tanba ne'e agora ami aplika hela ba instituisaun balun, hanesan mos dekretu-lei kona-ba subesnsaun publika, ezekusaun ne'ebé ezekuta orsamentu subvensaun governu fo la to'o 80 porsentu, tuir mai sei la hetan subensaun ona,” Nia agrumenta.

Nia informa, iha tinan ne'e governu fo subvensaun ba parte tolu, ida ba dosente, rua ba formasaun lingua portugés no ida seluk ba estudante sira.

“Ha'u hanoin sira simu hotu ona subvensaun husi miniatériu, maibe universidade ida mak labele fó, tanba sira nia ezekusaun la to'o 80 porsentu,” Nia hakotu.