ESJ-ESTV hato’o asuntu ne’e iha vizita kortezia ba iha eskola ESTVP Agríkola Natarbora hodi observa direta kondisaun eskola refere aumesmu tempu hodi enkontru ho Manorin-nain, estudantes no autoridade lokal sira.
“Obrjetivu hosi vizita ne’e hodi hare direta estudante sira nia toba fatin, liu hosi biban ne’e Governante ne hateten hosi Ministeriu Edukasaun sei tau atensaun masimu liu-liu ba fatin toba mane sira nian, ne’ebé kondisaun ladun di’ak, ho sala aula ne'ebé presiza Ministériu tenki tau matan,”informa Sekretáriu Estadu ESJ-ESTV, liu husi Komunikadu ne'ebé Online INDEPENDENTE asesu iha segunda (14/04).
Nune’e mós iha tinan ida ne’e Ministériu Edukasaun fornese kareta pick up, gran max rua fornese ba eskola rua mak hanesan, eskola agríkola Maliana no eskola téknika vokasionál agríkola Natarbora, . Liu hosi meius ida ne’e iha tempu badak eskola sira sei prodúz aifuan modo sira hodi nune’e sira fornese merenda ba escolar sira.
Iha fatin hanesan diretór eskola téknika vokasionál agríkola Natarbora, Agustinho dos Santos agradese ba Governu liu hosi Ministériu Edukasaun ba ajuda kareta sira ne’e bele fasilita diak liu tan atitividades eskola nian.
“Ami nia eskola, bele iha mundansa buat barak iha eskola ne’e, preokupasaun sira ne’ebé mak eskola infrenta mak toba fatin ba mane no feto sira la merese atu uza, iha fatin toba sia (9) maibé, iha deit tolu mak estudnate sira uza,”nia afirma.
Nune’e mós problema rezidénsia profesór sira nian kondisaun la dun di'ak ona presiza nafatin Ministeriu Edukasaun ninia tulun no tau matan nafatin.
Eskola téknika vokasionál agríkola Natarbora iha profesores no parte administrasaun hamutuk na’in 37, kompostu hosi mane 25, feto nain 2, profesór tempu parsial na’in 1, Funsionário administrasaun públiku na’in 6, mane na’in 5, feto ida, no funsionáriu kontratadu termu sertu hamutuk na’in 2, mane na’in 1, feto na’in 1, funsionariu kontratadu kazuais feto na’in 1.
Eskola refere estudante hamutuk 125 kompostu hosi, primeiru 1° ano na’in 60, mane na’in 48 feto na’in 12. 2° ano hamutuk na’in 26, mane na’in 19, feto na’in 7. No 3° ano na’in 39, mane na’in 26, no feto na’in tolu.