"Jerasaun tuan la hamutuk nia fukun ne'e iha katuas Xanana. Xanana lakohi karik ó ba obriga ga, ó ko'alia tan saida nia la liga tan. Durante ne'e maun Xanana nunka fó oin ba maun Alkatiri," dehan nia, iha knaar fatin, Faról, horisehik.

PR Horta agradese Alkatiri

Entretantu, iha fatin ketak, Prezidente Repúblika, José Ramos Horta hatete, agradese ba Sekretáriu Jerál Partidu Fretilin, Marí Alkatiri, ne'ebé hakarak buka intendimentu lideransa tuan sira, nune'e hamutuk dezenvolve rai ne'e.

"Ne'e di'ak mas ne'e tenke ko'alia ho avo Nana, mai la'ós ko'alia halo ho ha'u. Ne'e di'ak, tenke ba ko'alia ho avo Nana. Di'ak se Marí Alkatiri hakarak kolabora ho governu ne'e di'ak," PR Horta ténik

Antes ne'e, iha loron 19 Novembru 2025, Sekretáriu Jerál Partidu Fretilin, Marí Bim Amude Alkatiri hafoin enkontru ho Arcebispo Arquediocese Dili, Dom Virgilio Cardeal co Carmo da Silva, iha Kámara Exelensiastca Arquediocese Metropolotania, Lecidere, nia deklara nia hakarak buka intendimentu lideransa tuan sira, nune'e hamutuk dezenvolve rai ida ne'e.