Print this page

Hasoru Malu Ho Advogadu Bernard Colaery Xanana Hato’o Agradese Ba Luta Lori Timor-Leste Manan Fronteira Maritima Featured

By Ekipa INDEPENDENTE Maiu 19, 2023 2686
Komandante Ein-Xefe das FALINTIL, Kay Rala Xanana Gusmão hasoru malu ho Advogadu Bernard Colaery nu’udar sidadaun Australiano ne’ebé fó apoiu makaas ba Timor nia luta hodi manan soberania fronteira marítima ho Australia. Foto:Media Sosial. Komandante Ein-Xefe das FALINTIL, Kay Rala Xanana Gusmão hasoru malu ho Advogadu Bernard Colaery nu’udar sidadaun Australiano ne’ebé fó apoiu makaas ba Timor nia luta hodi manan soberania fronteira marítima ho Australia. Foto:Media Sosial.

DILI: Komandante Ein-Xefe das FALINTIL, Kay Rala Xanana Gusmão hasoru malu ho Advogadu Bernard Colaery nu’udar sidadaun Australiano ne’ebé fó apoiu makaas ba Timor nia luta hodi manan soberania fronteira marítima ho Australia.

Aleinde Bernard iha mós amigu di’ak ida, Steve Bracks ne’ebé mós fó apoiu makas ba Timor nia luta ba soberania fronteira marítima ho Austrália.

Steve mós agora asume hela knaar nu’udar Representante Spesiál Governu Australia ba Negosiasaun Dezenvolvimentu Grater Sunrise no Harold Mitchell, Amigu di’ak Timor nian ne’ebé fó apoiu makas ba Timor luta ba soberania fronteira marítima ho Austrália.

Iha sorumutu ne’ebé hala’o iha ambitu espiritu amigável, solidária no kordiál tebes.

“Maun Boot Xanana aproveita sorumutu ne’e, lori povo Timor nian naran agradese ba amigu diak Timor-Leste nian tolu ne’e, ba sira nia dedikasaun, komitmentu no apoiu ba Timor-Leste nia luta ba soberania fronteira marítima ho Austrália,”Online INDEPENDENTE sita iha komunikadu.

Entretantu, amigo na’in tolu ne’e, sei simu kondekorasaun ho graún “Ordem de Timor-Leste” ne’ebé sei atribui hosi Prezidente Repúblika, José Ramos-Horta iha selebrasaun feto 20 de Maiu 2023 ne’ebé sei hala’o iha jardin Palasiu Prezidensiál.

Timor-Leste manan ona nia fronteira no kontinua luta hodi dada kadoras greater sunrise mai Timor-Leste.

Rate this item
(0 votes)