Ekipa estimada selesaun das Quinas, Portugál no Timor-Leste kompete malu hodi hada’u terseiru lugár, iha jogu desportivu CPLP, iha estádiu munisipiu Dili ho drama sutu penalidade Timor-Leste 1-4 Portugal, husi rezultadu ne’e, Portugal sai vitória ba terseiru lugár.
Hahú inisiu jogu, bainhira arbitru fo sinál hahu jogu, ekipa rua hala'o jogu tuir ida-idak nia matenek no desizaun tuir tátika ne’ebé iha, hodi lori vitoria ba ida-idak nia ekipa.
Jogu entre ekipa rua ho velosidade ne'ebé neneik, dudu bola husi ain-ba-ain, hodi buka oportunidade ruma hodi bele rezulta golu, maibé Portugal ne'ebé mai ho estilu jogu husi ain-ba-ain ho distansia dook, tanba ne'e konsege lansa sutu balun, maibé sei antisipa ho di'ak husi Guarda rede Timor-Leste.
Funu estratejia no fiziku entre ekipa rua ne'ebé hada’u malu bola iha kampu ne'ebé enfeita ho duut matak, ho kosar ne'ebé habokon isin, no sofrimentu oi-oin hodi fo presaun ba liña defensiva ekipa, maibe liña defensiva ekipa rua hotu-hotu solidu iha feleira.
Portugál ne'ebé domina liu bola, konsege hetan oportunidade hodi sutu livre, husi erro ne'ebé liña defesiva halo, maibé sutu refere la kona nia tarjetu, nune'e Timor-Leste koko rekopera fila fali bola, hodi halo lansa atake liu husi liña mediu, hodi hatama bola ba liña defensiva Portugal nian, maibé avansadu Timor-Leste nia la uza oportunidade ho di’ak.
Nune'e ho jogu defensivu barak ne'ebé Portugal hala'o fo oportunidade ba Timor-Leste hodi halo kontra atake maka’as ba liña defensiva Portugal ni’an no fo oprtunidade ba avansadu Timor-Leste nian, maibé oprtunidada hirak ne'e seidauk uza ho masimu.
Portugal komesa halo jogu ho intesidade boot, hodi fo presaun maka’as ba liña defeza Timor-Leste nian iha minutu 21, hodi lansa sutu, maibe Timor-Leste rekopera hikas bola husi nia adversariu hodi fo ameasa fali ba guarde rede Portugal nian, maibe sei hetan salva.
Ekipa rua ne'ebé mai ho ida-idak nia mehi hakarak manan jogu, hodi lori vitoria ba ekipa, maibe esforsu hotu ne'ebé ekipa rua halo, to'o arbitru hapara jogu primeira parte la iha golu ruma, tanba ne'e rezultadu hatudu impata score 0-0.
Tama ba jogu segunda parte nian, ekipa rua halo kedan lansa kontra atake ba malu tuir maneira ne'ebé ekipa ida-idak, enkuantu Treinadór Portugal komesa muda nia estratejia no halo mudansa hatama no hasai jogadór balun.
Portugál ne'e mai ho estilu jogu, bola-ain ba-ain, nune'e jogadór Portugal numeru kamizola 18, halo presaun maka’as ba liña defeza Timor-Leste liu husi mediu parte karuk.
Enkuantu, Timor-Leste uza oportunidade liu husi halo kontra atake ho lais, nune'e to'o iha minutu 61, jogadór Manuel Reinaldo ho numeru kamizola 17, konsege aproveita faillansu ne'ebé liña defesa Portugal halo, nune'e konsege halo rede Portugal nia nakdoko hodi muda score ba 1-0.
Husi golu ne'e, la dura to'o minutu barak, Portugal konsege responde hikas golu ida iha minutu 65 liu husi nia jogadór Sousa, ho numeru kamizola 13, liu husi lansamentu bola kantu, hodi muda score ba 1-1 ho jogu impata.
Minutu la’o ba oin, tempu jogu besik termina, jogadór sira esforsu liu tan, atu bele produs golu, ho ambisaun atu bele manan jogu, liu husi lansa sutu, maibé seidauk kona nia alvu, jogu ne'ebe la’o ho intensidade boot, halo jogadór sira servisu maka’as liu tan, maibe to'o arbitru fó sinál termina jogu segundu parte, score nafatin 1-1.
Husi rezultadu tempu normal score 1-1, arbitru deside hakat ba sutu penalidade, hodi determina se mak merese sai terseiru lugal jogu futeból CPLP.
Iha sutu penalidade, jogadór Portugal konsege ezekuta konfiansa ne'ebé treinadór fo ho di'ak, nune'e rezultadu 4-1, tanba jogadór Timor-Leste failla iha sutu penalidade, nune'e Portugal sai hanesan terseiru lugár jogu CPLP.