Iha Sabdu (4/9/2025), Diretor-Jeral Unidade Komunikasaun Sosial no Relasaun Publika Ministeriu Finansa, Fernando M. Ribeiro, afirma katak, rumoris ne’ebe espailla iha publiku Governu kontinua utiliza verba orsamentu ba pensaun vitalisia ne’e la loos.

Diretor-Jeral ne’e esklarese katak, iha loron 29 Setembru 2025, Presidente Republika promulga revogasaun formal ba Lei Pensaun Mensal Deputadu sira nian no lei ne'ebe aprova estatutu Titular Orgaun Soberanu sira nian. Ho revogasaun ne'e, laiha ona baze legal atu halo pagamentu tuir diplima revogadu sira nian. 

Ministeriu Finansa garante katak ba populasaun katak osan sira ne'e sei la uza ba objetivu sira ne'ebe prevee ona antes. hanesan determina husi lejislasaun ne'ebe vigora, Governu so bele gasta rekursu publiku bainhira iha baze legal esplisita ne'ebe fo dalan. iha kazu ida ne'e, baze legal ne'eba eziste ona hafoin revogasaun husi lei respetiva sira. 

Revogasaun ne'e foin aprova hafoin Governu finaliza tiha ona projetu Orsamentu Estadu tinan 2026. Tanba ne'e maka projetu OJE sei inklui nafatin hela lina ida ne'ebe dedika ba programa pensaun vitalisia. Maibe, tanba lei revoga tiha ona, agora ne'e kabe ba Parlamentu Nasional atu analiza no deside iha debate orsamentu atu oinsa realoka fali fundu ida ne'e.

Governu laiha intensaun atu manten ka halo nafatin pagamentu tanba lei revogadu. Rumoris kona-ba utlizasaun verba ida ne'e hodi ua nafatin ba objetivu pensaun vitalisia ne'e laloos.

Governu iha nafatin komprimisiu atu jere finansas publikas ho responsabilidade, transparente no sempre tuir lei.