Funsionariu na’in 29 ne’e hala’o ona formasaun durante seman rua nia laran.

liu husi Diretór Nasionál Rekursu Umanu ensera formasaun jestaun eskritóriu ba funsionariu 29 husi Ministeriu Komersiu no Industria ne’ebé tuir fom hala’o iha sira husi ne’ebé hala’o iha   

Reprezentante Ministru Komersiu no Indústria atuál Diretór Nasionál Rekursu Umanu Jorge Ferreira husu ba formando sira atu bele aplika ba materia sira ne'ebé durante loron lima (5) sira simu husi formadór sira husi Instituto Nasional Administrasaun Publika-INAP.

“Prontu formasaun ida ne'e importante tebes, maske formasaun loron lima ne'e la sufisiente ba ita bo'ot sira, maibé liu husi loron lima ne'e, aleinde aprende materia ne'ebé fó husi formadór husi INAP, maibe iha momentu ida ne'e mós imi bele kuiñese malu di’ak entre munisipio ida ba munisipiu seluk hodi bele aprende ba malu, tanba Timor-Leste atu la’o ba oin presiza ita hotu nia kontribuisaun, liuliu ita nia unidade no servisu hamutuk hodi bele atende ita nia komunidade ne'ebé presiza ita nia tulun,” dehan nia liu husi Komunikadu ne’ebé Online ne’e asesu, sesta ne’e (13/06/25).

Nia hatutan, nu'udar reprezenta Ministru Komérsiu no Indústria, agradese ba Diretor USD-MCI-Munisípiu Manufahi, tanba bele iha liña kordenasaun servisu ne'ebé diak nune'e bele realiza formasaun refere.

Iha fatin hanesan, Diretór USD-Ministériu Komérsiu no Indústria Munisípiu Manufahi, Feliciano da Costa agradese ba planu Ministériu Komérsiu no Indústria liu husi rekursu umanus, tanba bele kapasita ona funsionáriu sira iha aréa Jestaun Eskritoriu.

“Ha'u mós hakarak sujere ba Sr. Diretór Nasionál Rekursu Umanu atu programa sira hanesan ne'e labele to'o de'it iha ne'e, maibé kontinua,”dehan Diretór USD-MCI Munisípiu Manufahi, Feliciano da Costa.

Entretantu, Funsionáriu Ministériu Komersiu no Indústria na’in 29 ne’e mai husi Munisípiu Aileu, Ainaru, Baucau, Covalima, Manufahi inklui Dili.

Enkuantu, formasaun ne’e organiza husi Ministeriu Komersiu no Industria rasik no servisu hamutuk ho ho INAP.

Formasaun ne’e foku liu ba matéria Jestaun ba a'an rasik no tempu, hakerek dokumentus, étika komunikasaun no kordenasaun servisu, atendimentu públiku no jestaun arkivu.