Tanba nia dehan, movimentu kamponezes halo ona akordu ho eskola ida iha   Munisipiu Manufahi hodi fornese bafo kay rala ba merende eskolar, maibé agora dadaun iha hela epoka kolleta bafo-kayrala.

“Agora dadaun ne'e sira produs ona no halo ona akordu, liu-liu iha munisipiu Manufahi ne'ebé ke sei iha eskola ida bazeia ba kapasidade produsaun bafo-kayrala, para depois fornese ba iha merenda eskolar,”dehan nia ba jornalista sira iha Salaun Praia dos Coqueiro, kuarta foin lalais ne’e.

Governante ne’e hatutan, agora dadauk iha epoka ida kolleta nian, nune’e, koilleta hotu sira halo transformasaun sai fós no mós dosi ka bolu.

“Informasaun ne'ebé maka sira fó, agora sira produs ona no agora daudaun foos lubuk ida iha SEKoop, ema bele ba sosa no seluk mós SEKoop fasilita formasaun halo prosesamentu para transforma sai dosi no ita-nia kafetaria balun mós halo ona produsaun, fornese ona ba konsumidor sira. Ida ne’e hanesan pasu id aba progressu no ami pronto fasilita nafatin para produsaun ne’e bele sae,”katak nia.

SEKoop akresenta, bafo kayrala ne’e mós hola parte iha programa merenda eskolar nian no produsaun ida-ne'e la'os Sekretariu Estadu Kooperativa maka ba halo produsaun, maibé kooperativa produtor ou komponezes sira maka halo produsaun.

Entretantu, nia afirma, iha tinan ida ne’e, SEKoop iha planu atu implementa iha trimestre ida agora, sei halo Sentru integradu ba produsaun iha munisipiu rua hanesan Lautem ho Covalima.

Tanba ne’e, sei haree fatin atu bele harii sentru formasaun kona ba produsaun no halo prosesamentu integradu para alastra ba fali munisipiu seluk.