Print this page

Ezekusaun Reál OJE 2023 iha Trimestre Dahuluk Atinji $207,3 Milhões Featured

By Abril 05, 2023 406
Ministru Finansasa, Rui Augostu Gomes. Foto:Dok. Ministru Finansasa, Rui Augostu Gomes. Foto:Dok.

DILI: Ezekusaun reál Orsamentu Jerál Estadu (OJE) 2023 ba Todo Governo, esklui kompromisu no obrigasaun sira, to’o iha loron 31 fulan-Marsu, em termus nominal atinji ona $207,3 milhões husi orsamentu aprovadu $2,16 biliões.

Ezekusaun aas liu mak iha Administrasaun Sentrál ne’ebé mak ezekuta ona $203,8 milhões husi orsamentu alokadu $1,8 biliões.

Enkuantu, Autoridade RAEOA-ZEESM ezekuta ona $3,5 milhões husi orsamentu alokadu $120 milhões.

Ezekusaun reál OJE 2023 ba Administrasaun Sentrál em termos nominál atinji ona $203,8 milhões husi totál orsamentu alokadu $1,8 biliões.

Ezekusaun aas liu mak iha liñas ministeriais ne’ebé ezekuta ona $151,4 milhões husi orsamentu alokadu $1,2 biliões.

Tuir kedan ho Ajénsia Autónomas ho nia ezekusaun atinji ona $26,1 milhões husi orsamentu alokadu $218,3 milhões.

Autoridade Municipais ezekuta ona $21,6 milhões husi orsamentu alokadu $81,3 milhões.

Aleindee, Fundu Infraestrutura (FI) ezekuta ona $2,4 milhões hus||i orsamentu alokadu $202,7 milhões. Enkuantu Fundu Dezenvolvimentu Kapitál Umanu (FDCH, sigla Portugés) ezekuta ona $1,6 milhões husi orsamentu alokadu $17,8 milhões.

Iha primeiru trimestre 2023, Ministériu Finansas halo ona levantamentu osan husi Fundu Minarai ho montante $300 milhões ka 22% husi totál orsamentu $1,346 biliões ne’ebé mak Parlamentu Nasionál aprova ona liuhusi Lei OJE 2023.

Iha tinan 2021, ezekusaun reál OJE iha primeiru trimestre em termos nominál atinji $316 milhões. To’o iha fulan-dezembru 2021, Governu konsege ezekuta $1,442 biliões. Valór nominál ida-ne’e mak segundu maiór desde tinan 2016.

Tinan kotuk, ezekusaun reál OJE iha primeiru trimestre em termos nominál ezekuta $160,8 milhões. To'o iha 31 Dezembru 2022, ezekusaun reál em termos nominál atinji $1,743 biliões. Valór nominál ida-ne’e mak aas liu iha istória Timor-Leste no konsege ultrapassa ezekusaun reál OJE 2016 iha ne’ebé Governu konsege ezekuta $1,630 biliões.

Ho ezekusaun reál OJE 2022 ne’ebé fenomenál – sa’e 7% kompara ho ezekusaun reál OJE 2016 – hatudu katak kapasidade ezekusaun orsamentál iha liñas ministeriais mós aumenta. Atu mantein ritmu no kapasidade ezekusaun ida-ne’e, Governu komprometidu atu halo investimentu kontínuu iha área rekursus umanu, iha sistemas inklui iha enkuadramentu legal sira.

Rate this item
(1 Vote)
Saturnina da Costa

Jornalista Jornal Independente

https://independente.tl

Latest from Saturnina da Costa