Tuir komunikandu ne’ebé Online INDEPENDENTE asesu iha Pajina Ofisial Ministeriu Finansas, hatete, ezekusaun reál OJE 2023 ba Administrasaun Sentrál em termos nominál atinji ona millaun $529 husi totál orsamentu alokadu biliaun $1,8.

Enkuantu, Autoridade  Rejiaun Administrativa Espesial Oekussi Ambeno (RAEOA) - ZEESM ezekuta ona millaun $22,6 husi orsamentu alokadu millaun $120.

Iha ezekusaun OJE 2023 iha Administrasaun Sentrál aas liu mak iha liña ministeriu ne’ebé ezekuta ona millaun $398, husi orsamentu alokadu biliaun $1,2.

Tuir kedan ho Ajénsia Autónomas ho nia ezekusaun atinji ona millaun $72,9 husi orsamentu alokadu millaun $218,3.

Autoridade Munisipiu ezekuta ona millaun $38,8 husi orsamentu alokadu millaun $81,3. Fundu Infraestrutura (FI) ezekuta ona millaun $12,4 husi orsamentu alokadu millaun $202,7.

Enkuantu, Fundu Dezenvolvimentu Kapitál Umanu ezekuta ona millaun $4,7 husi orsamentu alokadu millaun $17,8. No Fundu Covid-19 ezekuta ona millaun $2,2 husi orsamentu alokadu millaun $18.