Ministru Asuntus Kombatentes Libertasaun Nasionál (MAKLN), Gil da Costa Monteiro ‘Oan-Soro’  hatete, hanesan veteranus sente lakon lideransa ida no lideransa ida ne’ebé durante tinan 24  hamutuk ho nia povu  nunka hakruuk ba  politika invazor sira nian to’o Timor-Leste nia independensia.

“Ita haree ba restaurasaun independénsia tinan 24 koresponde ba libertasaun nasionál nia husik ona ita, prontu hanesan ita timor-oan, espesialmente hanesan veteranu, maibé hanesan Ministru Asuntu kombatetes libertasaun nasionál,  Maun Lú, matebian, nia sofre moras no halo tratamentu aban halo fulan ida,  nia sai husi Dili, dia 23 maiu no horikalan ita rona fali notisia oin seluk,” Dehan Ministru “Oan Soru” iha Konferensia Imprensa, iha Palasiu Governu, Segunda (22/06).

Nia afirma, desitinu hanesan ema hotu la espera no Governu responsabilidade tomak ba prosesu hotu to’o funebre.

“Ita hot-hotu la’ós maromak, prontu ida ne’e mak destinu, maromak mak hatene. Husu ba familia sira, ba ha’u bin, Mana Cidalia ne’ebé akompaña maun Lú nia isin, agora dadauk sei iha Malázia, ba familia no kolega sira hotu lalika hanoin barak, tanba Estadu iha dever no moral no hanesan Ministériu ne’e iha responsabilidade tomak, aban maun  Lú nia isin to’o iha aeroportu sei akompaña hodi mai iha ninia rezidénsia,  molok hau to’o iha ne’e, hau liu kedas nia rezidénsia haree no orienta kedas buat balun, agora dadauk Sekretáriu Estadu hamutuk hela ho familia sira iha nia rezidensia Faról,” Nia informa.