Print this page
Nasional

Embaixadora TL ba CPLP simu orientasaun husi PM Xanana molok hala'o misaun Featured

By Cesarina de Carvalho Marsu 20, 2026 170
Embaixadora Maria Natália Guterres Viegas Carrascalão Conceição Antunes simu orientasaun hosi Primeiru-Ministru (PM), Kay Rala Xanana Gusmão. FOTO: Media G-PM Embaixadora Maria Natália Guterres Viegas Carrascalão Conceição Antunes simu orientasaun hosi Primeiru-Ministru (PM), Kay Rala Xanana Gusmão. FOTO: Media G-PM

DILI: Embaixadora Maria Natália Guterres Viegas Carrascalão Conceição Antunes simu orientasaun hosi Primeiru-Ministru (PM), Kay Rala Xanana Gusmão, molok hala’o knaar nu’udár Embaixadora Timor-Leste (TL) bá Comunidade dos Países de Língua Portuguesa (CPLP).

“Primeiru-Ministru ko’alia barak kona-bá situasaun atuál, saida mak ita bele halo iha ne’ebá, liu-liu aprosimasaun ho país membru sira,” dehan Embaixadora Natália, iha Palásiu Governu, horisehik.

Nia dehan, Primeiru-Ministru mós fó instrusaun atu prepara reuniaun sira iha área agrikultura, edukasaun, kultura no mós asuntu tasi.

"Tanba ha'u nu'udar embaixadora tenke buka kontaktu ho embaixada sira, partisipa reuniaun Estadu membru sira no relata mai Estadu TL inklui xefe governu rasik," tenik nia.

Entretantu, Embaixadora Natália simu posse hosi Prezidente Repúblika, José Ramos-Horta, iha 5 Fevereiru 2026. 

Rate this item
(0 votes)