Deputadu Bankada Frente Revolusionariu Timor-Leste Independente (FRETILIN), Oscar Lima hateten, situasaun ne'e bele konsidera hanesan Autoridade Munisipíu Baukau halo fali rasionalizmu, sidadaun hotu-hotu iha direitu atu bele buka moris iha munisípiu ida ba munisípiu seluk.

"Prezidente Autoridade Munisipíu Baukau tenke haree, sidadaun ida timoroan bele husi Baukau bele ba halo serbisu ka negósiu iha Ermera, husi fali Ermera bele ba halo serbisu ka negósiu iha Baukau, sé nia Timor ita lalikan duni, ba hatete ba prezidente autoridade hanesan ne'e," dehan nia, iha Parlamentu Nasionál, horisehik.

Tuir nia, se ema seluk husi estrajiariu mai halo negósiu iha Timor-Leste ne'e bele nusa mak timoroan ho timoroan de'it labele ida ne'e mak tenke haree didi'ak.

"Husu ba Prezidente Autoridade Munisipíu Baukau atu haree didi'ak nia timoroan ida hanesan timoroan ida hanesan,” dehan nia.

Se munisípiu hotu-hotu hakarak halo hanesan ne'e normál, la'os duni sai maski nune'e ko'alia ho sira para sira bele halo fali iha fatin seluk, labele halo iha ne'ebé hamate fali emprezariu sira ka negosiante sira.

La’ós tanba la gosta xineza sira atu halo negosiu, maibe fó oportunidade ba timoroan para la'o, tanba ukun aan ne'e ba timoroan la'os ba ema seluk. Se ema seluk mak mai moris, timoroan labele moris entaun ukun aan halo saida.

Iha fatin hanesan, Deputadu Bankada Fretilin, Dario Madeira hateten, hanesan mós Vikeke-oan ida sente lamentavel no la konkorda ho desizaun Autoridade Munisipíu Baukau ninian duni vendedor sira liu-liu husi Munisípiu Vikeke.

"Ha'u la konkorda ho desizaun ha'u la konkorda totál ho desizaun autoridade Munisipíu Baukau nian," nia dehan.

Tanba ne'e, halo diskriminasaun ka resionaliza sidadaun sira ne'e labele tanba iha konstituisaun ne'e hatete sidadaun Timor livre halo sirkulamentu iha teritoriu Timor laran.

"Sidadaun timoroan nia iha direitu atu hela iha ne'ebé de'it labele hatauk nia, ida ne'e ita-nia konstituisaun mak ko'alia ne'e. Agora ita-nia konstituisaun mós ko'alia ita opta tiha ona merkadu livre, agora ita fó liberdade bá sidadaun estranjeiru Sineza sira tama mai domina tiha kuaze Dili laran nakonu, iha Munisípiu hotu-hotu nakonu atu tama too postu sira," nia afirma.

Desizaun sira hanesan ne'e tenke ho responsablidade tenke ho sentidu de Estadu oinsá bele akomula sidadaun hotu-hotu fo liberdade ba sidadaun sira para livre buka moris iha ne'ebé de'it. Sira la halo investimentu boot ida iha Baukau sira mai faan modo balun mai hola tomate, loron depois fila-fali entaun halo nusa maka tenke duni fali.

Tanba saida mak la duni mak xineza sira tama iha fatin-fatin sira ne'e ne'ebé kestiona tebes ho ida ne'e, husu mós bá governu da-sia tenke tau atensaun ba desizaun autoridade Munisipíu Baukau ninian, serake desizaun sira hanesan ne'e bele halibur sidadaun no akomula sidadaun no fó liberdade atu buka moris iha ninia territóriu nasionál kalae.

Entretantu, Deputadu Bankada Congresso Nacional Reconstrução Timor (CNRT), Patrocino Fernandes hatete, nia parte seidauk simu informasaun maibé notisia balun fó katak sekretáriu munisípiu hasai regulamentu atu regular vendedor sira.

"Klarifikasaun husi Sekretáriu Munisipíu Baukau ninian katak sira halo medida atu regula vendedor sira hotu iha ne’eba ke Baukau-oan rasik no sira hotu husi munisípiu ka negosiante sira ne'ebé la'os timoroan," nia dehan.

Ida ne'e mak informasaun ne'ebé hetan husi sekretáriu Munisípiu Baukau klarifikasaun ne'e, agora kona-ba buat hanoin hein katak ida ne'e labele akontese tanba ne'e bele mosu hanesan halo diskriminasaun Timor oan sira.