“Ami mai iha ne’e representa federasaun Portuguesa husi tenis, ami sei joga diak ho unidade, eventu desportu, kultura no seluk tan,”dehan nia ba Jornalista sira iha Aeroportu Internasional Nicolau Lobato Comoro, Dili (17/07/25).

Nia dehan, ne’e sai experiensia foun, momentu úniku, tanba nia nunka mai iha Timor-Leste, maibé ohin loron ho komitiva husi tenis, bele to’o iha Timor-Leste. Treinadór ne’e hatutan, jogador sira sei hatudu dixiplina no respeita adversáriu hotu hahú husi inisiu to’o final.

“Ita tama ba eventu ne’e ho dixiplina, respeitu ba adversáriu hotu to’o remata iha jogu ida ne’e delegasaun hirak ne’e hamutuk na’in 105 pessoas kompostu husi arbitragem, atleta no ofisial,”tenik nia.

Entretantu, tuir observasaun husi Jornalista Online INDEPENDENTE iha terenu nota katak, delegasaun ne’e to’o iha Aeroportu Internasional Nicolau Lobatu Comoro Dili, iha tuku 12:30 meudia no simu direita husi ekipa Ministériu Negosiu Estrangeiru no koperasaun (MNEK), no Sekretáriu Estadu Komunikasaun Sosial (SEKOMS), hodi akompaña delegasaun husi Portugal ne’e ba iha Ótel Timor.

Nune’e mós tuir observasaun, haree katak, delegasaun sira husi Portugal to’o iha Aeroportu Internasional ho antusiasmu hodi hare ambiente iha Timor, molok desloka ekipa selesaun CPLP ba iha Ótel Timor.

Enkuantu, jogu desportiva CPLP ne’e abertura iha loron 19 fulan-Jullu no sei termina iha loron 27 fulan-Jullu tinan ne’e.