Funsionáriu sira husi instituisaun governu no organizasaun sosiedade sivil ne’ebé servisu ba asuntu prezervasaun memória pasadu nian mak hanesan, Arkivu Muzeu Rezistensia Timorense (AMRT), Arkivu Nasional Timor-Leste (ANTL), Sekretariu Estadu Arte no Kultura (SEAK), Centro Audio Visual Max Stahl Timor-Leste (CAMSTL), Xanana Gusmão Reading Room (XGRR) no mos Centro Chega,I.P ho total partisipante hamutuk na’in 52, ne’ebé realiza iha antigu Komarca Balide.
Formasaun ne’e hala’o durante loron 5 hahu (15-19), iha ámbitu projetu “Digitalization for Corflict Reconciliation and Peace Building in Timor-Leste”
Objetivu prinsipal husi formasaun ne’e mak atu hasa’e koñesimentu funsionáriu sira kona-ba jestaun arkivu no kompeténsia téknika iha arranju no deskrisaun arkivu ho maneira ida ne’ebé loos, organizadu ho di’ak, no responsabiliza tuir padraun arkivu nian.
Formasaun ne’e fasilita husi ekipa ANRI ho materia sira ne’ebé aprende durante formasaun hanesan, Policy on Archives Management , Preparation of finding aids creation, Self Learning: Preparation of finding aids creation, Decription of archives, Manuver of data, Self Learning: Manuver of data, Arrangement of information and physical materials of archives into finding aids, Access improvement activities, Self Learming: Arrangement of information and physical materials of archives into finding aids.
Iha abertura, Diretór Ezekutivu Centro Chega!I.P, Hugo Maria Fernandes destaka importansia husi atividade formasaun, no subliña, formasaun ne’e importante tebes ba funsionariu sira atu haklean koñesimentu iha área jestaun arkivu nian. Formasaun ne’e mos nu’udar misaun ida Centro Chega!I.P ho ANRI nian ho baze ba relatóriu husi Komisaun Verdade no Amizade (CVA) entre Timor-Leste ho Indonézia.
“Iha relatóriu husi Komisaun Verdade no Amizade (CVA) entre Timor-Leste ho Indonézia hatete katak governu Timor-Leste ho governu Indonézia estabelese sentru dokumentasaun i rezolusaun konflitu. No formasaun ne’e parte importante hodi to’o ba iha misaun estabelese sentru dokumentasaun i rezolusaun konflitu nian liu husi formasaun no kapasitasaun sira hodi eleva kapasidade rekursu umanu sira iha Timor-Leste hodi kontribui ba halo prezervasaun memoria pasadu,” Dehan Hugo.
Entertantu, formasaun ne’e hetan partisipasaun husi Deputy of National Records and Archives Governance, Andi Abubakar, Head of Human Resource and General Affairs Bureau, Poppy Alia no Koordenadora Projetu UNESCO ba Timor-Leste, Hye Young Kim.