Treinadór klubu Dajon Koni, Nilton Lemos,  sente orgullu no apresia ho atleta sira nia esforsu, tanba bele rekolla ualu, iha eventu internasionál taekwondo.

“Ha'u sentu orgullu no apresia ho ha'u nia atleta sira, tanba liu husi sira nia esforsu makas mak bele rekolla medalla iha eventu pugnator open internationál taekwondo,”  Dehan nia, ba jornalista INDEPENDENTE, via WhatsApp, Segunda (06/10).

Nia haktuir, Dajon koni nia atleta na'in sia mak partisipa iha eventu no konsege rekolla medalla.

“Ami mai ho atleta na'in sia, no iha jogu primeiru ami hatun atleta na'in 4 ho rezultadu medalla osan mean tolu no ida ka konsege rekolla medulla, tanba lakon,” Nia informa.

Iha loron daruak, nia informa, iha atleta na'in haat, na'in tolu konsege rekolla tan medalla osan mean tolu no osan metan ida.

“Maibe iha loron datoluk nian, ami hatun atleta maibe nia la konsege hetan primeira lugar ho medalla osan mean,” Nia informa.

Entretantu, Dajon Koni rekolla medalla ualu, kompostu husi medalla osan mean hitu no osan metan ida.

“Aleinde ne'e mos, ami nia atleta mane ida sai hanesan mellor atleta iha eventu internasional taekwondo pugnator,” Nia  hakotu.