Prezidente Komisaun Organizadora Asosiasaun ArtEmpreender Natalino Fernandes Ximemes hatete, Asosiasaun ArtEmpreendeer hanesan organizasaun naun lukrutivu ne’ebé maka foka ba arte no empreendedorizmu.

Nune’e, iha tinan ida ne’e, asosiasaun ne’e foku ba festival Ekulturiz ne’ebé sei realia iha semana ida ne’e nia laran.

Nia dehan, konseitu husi festival Ekulturiza nu’udar festival inivador ne’ebé kombina asuntu prinsipal tolu hanesan ekolijia liga ba ambiente, kultural no turismu.

Nia hatutan, razaun fó naran festival Ekulturiz, tanba husi asosiasaun rasik atua barak liu iha setór kultural, ne’ebé parseira mós ho Ministeriu Turizmu Ambiente.

Programa ida ne'e inisia iha fulan hirak liu ba bolu naran festival bai-loron, maibé iha prosesu adminitrativu, tan ne’e sira andiata, no sei implementa fali iha semana ne’e nia laran.

“Objetivu husi festival Ekulturiz ne’e maka sai hanesan slogan maka hodi kuidadu ita rai no hakbiit iha futuru no objetivu espesifiku maka liga ba asuntu tolu iha parte ambiente nia maka, aumenta konsensializasaun publiku konaba limpeza no halo protesaun ba ambiente iha espasu publiku sira iha Dili laran no promove atividade limpeza Komunitária, antes no depois durante festival,”liu husi konferensia imprensa ne’ebé hala’o iha Salaun Enkontru Diresaun Jerál Turizmu, Vila-Verde, Dili, Tersa ne’e (18/11).

 Nia haktuir, iha festival ne’e fó mós oportunidade ba joven sira atu promove sira nia produtu no atividade turizmu, kreatividade husi foinsa’e Timoroan sira iha arte no kultura, empreendedorizmu lokal no mós kuída ambiente iha espasu públiku sira.

Prezidente Komisaun Organizadora afirma tan katak, durante ne'e Asosiasaun ArtEmpreender prosesu  loke formulariu husi online  kuaze 1000 mak kandidatu, tanbá sira kontribuisaun masimu tebes priense iha seksaun organizasaun prepara hotu  ona.

Enkuantu, Prezidente KO akresenta, total orsamentu ba festival ne’e hamutuk rihun $17 ne’ebé apoiu husi Ministeriu Turismu no Ambiente.

Entretantu, dadaun ne’e Asosiasaun ArtEmpreendeer simu joven kuaze 20 ne’ebé rejistu ona atu partisipa iha festival refere, ho sira nia produtu ne'ebé diferense hanesan ai-han lokal no mós bebidas.

Enkuantu, joven voluntariu sira ne’ebé sei apoia atividade ne’e kuaze rihun 1 mak kandidatu hodi fó seksaun ne’ebé komisaun organizasaun prepara.