Vogál II APORTIL,I.P, Leandro de Sena hatete, preokupasaun Bankada PLP kona-ba APORTIL la estende kontratu tripulante timor oan nain-8 ne'e, tanba  sira-nia ne'e mate.

Nia dehan, APORTIL,I.P tutela ba  iha Ministeiru Transprte no Komunikasaun (MTK) nia okos, kona-ba tripulante na'in 8, ne'ebé tuir informasaun la'os ema bai-bain de'it mak ko’alia, maibé Parlamentu mós ko’alia hotu Asosiasaun Marineiru sira  mós ko’alia kona ba Tripulante Timor Oan Nain-8 ne'e mós.

“Iha oportunidade ida ne'e lori Vogal II no  konsellu APORTIL,I.P hakarak fó-sai informasaun kona ba tripulante timoroan nain-8 ne'e, ami tama mai laiha koñesimentu, tanbà ami nia nomeasaun ne'e iha fulan abril no simu pose iha fulan Maiu, kona ba tripulante timor oan nain-8  ne'e ami mai sira laiha tiha ona, sira nia kontratu termina tiha ona iha 2023, ami mós la hatene sira nia kontratu mate ka termina buat sira ne'e iha 2023, ami iha Abril 2024, ami laiha koñesimentu di’ak kona-ba problema saida mak sira hapara tripulante na'in 8 ne'e,” Dehan Vogal II Leandro de Sena, iha kna’ar fatin APORTIL,I.P, Kolmera, Kuarta (02/04).

Entaun, depois mosu preokupasaun sira ne'e sira buka hatene tuir loos duni sira tripulante timor oan nain-8 ne'e servisu duni iha ró, tanbà kriteria no regras atu sae ba ró, tripulante sira tenke iha dokumentus Basic Safety Training (BST) tenki ativu, moris hela ka  treinamentu baziku kona-ba seguru nian oinsa atu sa'e ró ida ne'e tenke hatene. 

“Tuir informasaun ne'ebé mak ami hetan fali katak sira nia kontratu la kontinua iha 2023, depois sira nia kontratu ne'e termina no kontratu la kontinua ho razaun, sira nia dokumentus BST ne'e mate, bainhira dokumentus BSTne'e mate, sira labele halo atividade iha ro leten, tuir informasaun konsellu sesante fó kompetensia, atu bele ba hamoris fila fali sira nia dokumentus ne'e, ativu mak sira foin sa’e ba ró,” Nia esplika.

Entaun sira tenke ba trata fali sira nia dokumentus ne'e iha Sentru formasaun Tibar hodi reativa fila-fali sira nia dokumentus no iha momentu ne'e sira nia dokumentus ne'e mate, ro  mós iha preparasaun atu halo manutensaun iha Surabaya Indonezia, sira moós labele tuir, tanbà sira nia dokumentus mate.

Tanba ne’e, tuir loloos ema ne'ebé mak servisu kona-ba ida ne'e hatene regras sira oinsa mak atu ba servisu iha ro leten, tenke ba halo moris sira nia dokumentus, entaun sira la ba halo moris dokumentus ida ne'e.

Tuir informasaun ne'ebé mak APORTIL rekolla, sira mai fali mós labele sae ba ro, tanba dokumentus ne'ebé autoriza sira atu halo servisu ne'e seidauk ativu.

“Iha momentu ne'ebé mós tripulante na'in 8 hato'o pedidu ida mai iha APORTIL atu fasilita sira selu hosi halo moris fali dokumentus BTS, maibé tuir regras labele hanesan ema profisional, ida-idak tenke trata ho ajensia ne'ebé mak iha, atu hamoris fali sira nia dokumentus BTS, entaun sira la ba hamoris dokumentus ida ne'e mak sai baze fundamentu ba sira katak, sira nia kontratu termina no konsellu anterior la halo, ne'ebe mak servisu iha ro laran sira nia dokumentus moris, sira mak sevisu priense rekezitu tuir prosedimentu ne'ebé mak servisu iha ro,” Nia haktuir

Nune'e,  tripulante na'in 8 ne'e la'os APORTIL mak hasai no hapara sira nia servisu, maibé tuir informasaun ne’ebé iha, sira nia kontratu mak termina no sira nia dokumentus mak la prensidu.

“Sira na'in 8 nain ida rezigna aan, ami mai kontinua servisu nafatin hanesan trupulante,  maibé sira servisu fali iha diresaun operasional nian, nain 1 ba servisu operasional APORTIL nian, nain 1 ba seksaun iha Atauro,  nain 1 ami nomeia nian hanesan departamentu iha diresaun operasional no nain 2 kontinua servisu  iha ne'e, maibé la'os  hanesan tripulantes, maibé servisu hanesan operasional,” Tenik nia.

Nune'e, tripulante nain 8 nia kontratu ne'e mate, sira la kontinua, mai la hatene sira, laiha koñesimentu ba sira, ikus sira mosu mai  mós ekipa konfirma sira nia dokumentus baze legal ne'e, kontratu termina tiha no  tuir loloos sira tenke ba halo moris fali dokumentus ida ne'e mak razaun fundamental.

“Ita iha Timor problema ida mak ema sira eskola formadu kona-ba kapitaun ro nian limitadu tebes, ita iha tempu liu ba ita iha ema ida de'it mak servisu iha kapitaun ne'e ema Timor oan ida, nia mak priense rekezitus hanesan kapitaun antes ne'e nia kontratu mate tiha, depois ami mai bolu fali nia, tanbà nia ema Timoroan nia sertifikadu kona-ba lori ro iha. Agora mak ami kontratu tan Timor oan, hanesan ofisial ba iha terseiru lori ro nian, ita buka kapitaun ro nian limitadu foin mak ema nain ida, sira seluk ne'ebé mak agora dau-daun ita prepara sira,” Nia relata.

Aliende ne’e, Tripulante nain  8 ne'e iha tempu ne'ebà, ema seluk troka tiha kedas sira mai kontinua deit servisu ne'ebé mak la’o ona, sira la halo buat foun sira, nain 8 ne'ebé mak sai ne'e ema Timor oan de'it sira ne'e servisu hanesan Suport Level, la'os sira ba ofisiál kapitaun.

“Ro rua ne'e ema Timor oan nian patrimoniu Estadu nian, ba Timoroan duni, prepara aan ba future, atu ba subtutui ba sira, labele dehan dokumentus mate ita tau ida ne'e labele , tanbà regras mak hanesan ne'e, lori ro ne'e tenke dokumentus moris. Tripulante nain 8 ne'ebé mak servisu ne'e mesak ema Timoroan, barak mak ba tuir formasaun fulan ida, semana rua bele mos fulan ida ne'ebé Timoroan agora barak ona,  foin dau-daun ami konsege halo dokumentus, tanba importante  dala-ruma, ema iha ro leten lisensa tiha, labele husik ema nia fatin ne'e mamuk, tanba ida-idak ho ninia servisu,” Kata nia.

Nune’e, APORTIL hanoin problema ida ne'e afeta, diak liu koloka orsamentu rihun $22, funsionariu na’in 24 ba tuir   formasaun ne’e rasik, durante semana rua no ema ida hetan sertifikadu 4 kona-ba salvasaun seguru nian.

Nia salienta, Tripulante sira dadaun ativu iha ro ba iha Nakroma no Ramelau iha na’in  16, foin lalais APORTIL fó formasaun iha feto nain 3 no Ro Nakroma iha triopulante 18.

“Atu hamos deit ró, dada tali kompañeiru tun hamos buat sira ne'e hotu, ida-idak ho nia servisu, atu hamos deit foer mós o tenke iha dokumentus BTS mak foin sae ba ro leten, se lae labele servisu iha ro leten, laiha tan buat seluk, ne'ebé tripulante nain 8 ne'e la'os ami mak hasai sira, maibé sira nia kontratu mak termina no sira nain rua mak kontinua servisu iha ne'e nain-1 ba  operasional  servisu ba seksaun portu Atauro ida Xefi departamentu operasional no na’in-lima seluk hau la hatene iha neebe,” Nia afirma.

Molok ne’e, Bankada Partidu Libertasaun Popular (PLP) kestiona Prezidente APORTIL,I.P,  tanbà hasai tripulante Timoroan hamutu na'in-ualu.

“Prezidente APORTIL mak iha kompetensia ida ne'e, sira hapara hotu tripulante Timoroan hamutuk na'in8, ne'ebé durante ne'e servisu iha Berlin Nakroma ho Berlin Ramelau, sira rekruta fila fali tripulante husi Indonezia mak mai ka'er fali ro ne'e, iha de'it Timoroan na'in ida no rua mak hamutuk ho Indonezia sira,” Dehan Prezidente Bankada PLP, Maria Angelina Sarmento, iha Parlamentu Nasionál, (11/03).

Tuir nia, loloos Timoroan sira ne'ebé iha kapasidade iha area tripulante ne'e Governu tenki tau atensaun, la'os foti desizaun hasai sein liu husi avaliasaun servisu ruma.

“Tuir loloos ita nia Timor sira iha ona kompetensia no kapasidade la presiza bolu ema husi liur, karik bazeia ba avaliasaun ruma prova dehan nia iha buat ruma la diak no laloos, labele entende nia kontratu, entaun bele, mais ida ne'e la iha avaliasaun hapara ema nia kontratu sein liu husi prosesu ida no la informa ba sira hapara ho razaun saida,” Nia kestiona

Aliende ne'e rekrutamentu ba tripulante husi Indonezia ba servisu iha Ro Berlin Nakroma, tanbà prosesu rekrutamentu ne'e taka ba públiku.

“Tripulante Timor oan sira dehan katak rekrutamentu ne'e abertu karik sira mós prontu atu tuir kompetisaun, maibé sira dehan la iha Publisidade entaun sira bolu de'it ema husi Indonezia,”Nia konklui.