Ho laran triste Estadu, Lider Partidu Politikus no povu Timor-Leste simu mate isin Saudozu Francisco Guterres “Lú olo” iha Aeroportu Komoro Díli, nakonu ho mata ben emosionál.

Mate isin lider Istoriku ne’e, to’o iha Aeroportu Internasionál Prezidente Nicolau Lobato (AIPNL), iha oras tuku 06 balun Otl. Simu direta husi Kaza Sivil  Prezidente Republika, Kuadrus Partidu FRETILIN, Primeiru Ministru Interinu ho membru Governu, membru Parlamentu Nasionál, inklui povu ho entidades oi-oin hodi fó sentidu profundu kle’an respeitu, no oras ne’e dadaun to’o ona nia rezidénsia farol, hodi bele realiza seremonia kulturál sira tuir lisan no tradisaun Timor-Leste ni’an.

Situasaun oras ne’e iha Timor-Leste hatudu triste, tanba lakon tebes lider istóriku ida ne’ebe importante, fo ona nia kontribuisaun luta ba libertasaun patria, to’o ohin loron mos sei kontinua luta ba dezenvolvimentu to’o remata nia jornada moris iha mundu ne’e.

Adeus, aman Aswa’in Timor nian, Saudozu Francisco Guterres Lú-olo, ba ita nia luta husi tempu funu to’o ohin maske ita isin lakon husi povu Timor-Leste nia le’et, maibe ita nia ispiritu luta sei la lakon iha ami nia fuan, hodi konta tutan husi jerasaun ba jerasaun.